لاہور (خبریں، چینل۵ ویب ڈیسک) سردار دوست محمد مزاری ڈپٹی سپیکر پنجاب اسمبلی نے چیف ایڈیٹر خبریں امتنان شاہد سے ضیاءشاہد کی وفات پر اظہار تعزیت کیا اور ڈپٹی سپیکر پنجاب اسمبلی نے بانی خبریں گروپ کی صحافتی خدمات کو خراج تحسین پیش کیا۔ اس موقعہ پر سردار دوست محمد مزاری ڈپٹی سپیکر پنجاب اسمبلی نے کہا کہ ضیا ءشاہد نے صحافت کو عوامی رنگ دیا ان کا صحافتی دنیا میں بہت بڑا نام تھا۔ میںنے ان کے بہت سے کالم پڑھے ہیں۔ وہ بہت دبنگ صحافی تھے۔ اللہ ان کے درجات بلند فرمائیں۔ جبکہ بانی خبریں ضیاءشاہد کی وفات پر صوبائی وزیرقانون راجہ بشارت نے چیف ایڈیٹر خبریں امتنان شاہد سے اظہار تعزیت کیا۔ صوبائی وزیرقانون راجہ بشارت نے ضیاءشاہد کی صحافتی خدمات کو شاندار انداز میں خراج تحسین پیش کیا ۔ صوبائی وزیر قانون راجہ بشارت نے کہا کہ میری ضیاءشاہد سے پہلی ملاقات 1975 میں ہوئی اور میرا ن کے ساتھ 46 سال پرانا تعلق تھا۔ مجھے ان کا ہم سب سے بچھڑنے کا بہت غم ہے۔ وہ میرے قریبی دوست تھے۔ ضیاءشاہد بہت عظیم شخص تھے۔ کہ ان کے ساتھ جو میرا تعلق تھا احترا م کا اور عزت کا وہ ہمیشہ انہوں نے قائم رکھا اور مجھے ہمیشہ چھوٹے بھائی کی طرح دیکھتے تھے۔
