لاہور(ویب ڈیسک) بانی و قائد خبریں گروپ ضیاءشاہد کے انتقال پر فلسطینی سفیر احمد ربیع اور مراکش کے سفیر محمد کرمون نے چیف ایڈیٹر خبریں گروپ امتنان شاہد کے نام علیحدہ علیحدہ خطوط میں اظہار تعزیت کرتے ہوئے کہا ہے کہ اللہ تعالیٰ مرحوم کو جنت الفردوس میں اعلیٰ مقام عطا کرے فلسطینی سفیر احمد ربیع نے کہا کہ چند روز قبل ضیاءشاہد کے انتقال کی چونکا دینے والی خبر سنی ضیاءشاہد پاکستان صحافت کے ستون تھے۔ ان کا نتقال پاکستانی معاشرے کیلئے ناقابل تلافی نقصان ہے۔ آپ کے لیے اور ادارے کیلئے ان کا نعم البدل کوئی نہیں ہوسکتا۔ ایسی عظیم شخصیت صدیوں اور بعد بھی پیدا نہیں ہوسکتی۔ ہمیشہ پاکستان میں آزادی صحافت کیلئے آواز بلند کی۔ مراکش کے سفیر محمد کرمون نے اپنے تعزیتی خط میں کہا ہے کہ ضیاءشاہد کا انتقال پاکستان صحافت کیلئے ناقابل تلافی نقصان ہے۔ ان کی صحافتی خدمات بڑے عرصے تک یادرکھا جائیگا۔
