چیئرمین نیب جسٹس (ر) جاوید اقبال کے زیر صدارت ڈی جی نیب سکھر مرزاعرفان بیگ کی کارکردگی سے متعلق اجلاس ہوا۔
تفصلات کے مطابق چیئرمین نیب جسٹس (ر) جاوید اقبال کے زیر صدارت کارکردگی سے متعلق اجلاس میں ڈی جی نیب سکھر مرزاعرفان بیگ نے ویڈیو لنک کے ذریعے شرکت کی، نیب سکھر کی 2018 سے 2020 تک کی کارکردگی رپورٹ اجلاس میں پیش کی گئی۔
ڈی جی نیب سکھر نے کہا کہ 67 نیب ریفرنسز میں اب تک 32 ملزمان کو سزائیں مل چکی ہیں، پلی بارگین کے دوران 77. 2 ارب روپے قومی خزانے میں جمع کرائے گئے۔
انہوں نے یہ بھی کہا کہ محکمہ جنگلات سندھ کی ڈھائی لاکھ ایکڑ ایراضی قابضین سے خالی کرائی،: بجلی چوروں اور نادہندگان سے واجبات کی وصولیابی سیپکو کی مدد کی گئی، سیپکو کی نادہندگان سے بڑے پیمانے پر واجبات کی وصولیابی کرائی گئی۔
مرزاعرفان بیگ نے مزید کہا کہ شہر کے غیرفعال 109 واٹر پلانٹس فعال کروائے گئے، اندرون سندھ گندم کی اربوں روپے کی خورد برد کا انکشاف کیا اور تحقیقات کیں، ایرانی تیل کی اسمگلنگ کی روک تھام کے اقدامات سے پی ایس او کو 9۔316 ملین روپے کی بچت ہوئی، نیب چیئرمین نے سکھر نیب کارکردگی کو سراہا، نیب کا کسی ادارے ،جماعت یا گروہ سے کوئی تعلق نہیں، ہمارا مقصد کرپشن سے پاک پاکستان ہے۔
اس موقع پر چیئرمین نیب جسٹس (ر) جاوید اقبال کا کہنا ہے کہ بدعنوانی کے خاتمے کے لیے بلاتفریق کاروائی کی جائے۔
