راولپنڈی کینٹ بورڈ کے دروازے عوام کیلئے ہمیشہ کھلے ہیں:زاہد بختاوری

راولپنڈی(خصوصی رپورٹر)زاہد بختاوری وائس پریذیڈنٹ راولپنڈی کنٹونمنٹ بورڈ و گروپ لیڈر مرکزی تنظیم تاجران کنٹونمنٹ بورڈ رجسٹرڈ راولپنڈی نے کہا کہ راولپنڈی کینٹ بورڈ کے دروازے عوام اور بزنس کمیونٹی کے مسائل کے حل کے لیے کھلے ہیں۔ عوام اور تاجروں کے جائز مسائل و مطالبات کو پورا کیا گیا ہے اور مستقبل میںبھی اس عمل کو جاری رکھا جائے گا۔اپنے ایک اہم بیان میں زاہد بختاوری نے کہا کہ عوامی مسائل کا بروقت حل اور کاروباری برادری کو درپیش مشکلات کا ازالہ ہماری ترجیحات میں شامل ہے۔عوام اور تاجروں کے جائز مطالبات کو اہمیت دینا اور ان کے مسائل کے حل کے لیے عملی اقدامات کرنا وقت کی اہم ضرورت ہے۔انہوں نے مزید کہا کہ تاجر برادری ملکی معیشت میں اہم کردار ادا کر رہی ہے، اس لیے کاروباری طبقے کو درپیش مشکلات کے حل اور کاروباری سرگرمیوں کے فروغ کے لیے مثر اقدامات ناگزیر ہیں۔راولپنڈی کنٹونمنٹ بورڈ عوام اور تاجروں کے ساتھ رابطوں کو مزید بہتر بناتے ہوئے ان کے مسائل کے حل کے لیے کوششیں جاری رکھے گا۔زاہد بختاوری نے اس عزم کا اظہار کیا کہ عوامی خدمت اور تاجر برادری کی فلاح و بہبود کے لیے اپنا کردار ادا کرتے رہیں گے۔ جائز مسائل کے حل کے لیے متعلقہ حکام کے ساتھ رابطے برقرار رکھے جائیں گے تاکہ راولپنڈی کینٹ میں کاروباری سرگرمیوں کو فروغ ملے، تاجروں کو درپیش مشکلات کم ہوں اور شہریوں کو بہتر سہولیات فراہم کی جا سکیں۔