سام سنگ کے نئے فلیگ شپ فولڈ ایبل فونز کب متعارف کروائے جائینگے ، تاریخ کا اعلان کر دیا گیا ہے۔
بین الاقوامی ذرائع ابلاغ کے مطابق سام سنگ کے نئے فولڈ ایبل فونز گلیکسی زی فلپ 3، گلیکسی زی فولڈ 3، گلیکسی واچ 4 سیریز اور گلیکسی بڈز اگست میں متعارف کرائے جائیں گے۔
ذرائع کے مطابق سام سنگ کا یہ ایونٹ 11 اگست کومنعقد ہوگا جسے گلیکسی ان پیکڈ کا نام دیا گیا ہے۔
واضح رہےکہ ایونٹ کے دعوت نامے میں زی فولڈ 3، زی فلپ 3، بڈز 2 اور واچ 4 کے پیش ٹیگ سے عندیہ ملتا ہے کہ ان کو متعارف کرایا جائے گا۔
اس سال نوٹ سیریز کی جگہ زی فلپ 3 اور زی فولڈ 3 فلیگ شپ ڈیوائسز کی شکل میں پیش کیے جائیں گے۔
کمپنی نے پہلے ہی عندیہ دیا تھا کہ اس سال نوٹ سیریز کو پیش نہیں کیا جائے گا۔
