تازہ تر ین

پی آئی اےکا کابل کیلئے فلائٹ آپریشن شروع کرنے کافیصلہ

قومی ایئر لائن (پی آئی اے) نے کابل کے لیے فلائٹ آپریشن دوبارہ شروع کرنے کا فیصلہ کرلیا، آئندہ ہفتے اسلام آباد سے چارٹرڈ فلائٹ کابل روانہ ہوگی۔

ترجمان پی آئی اے عبداللہ کے مطابق پی آئی اے کی پہلی پرواز آئندہ ہفتے کابل روانہ ہوسکتی ہے۔ چارٹرڈ پروازوں کی بحالی کے حوالے سے افغان سول ایوی ایشن اتھارٹی نے پی آئی اے کو لینڈنگ کے لیے اجازت کی درخواست کی ہے۔

پی آئی اے کابل فلائٹ آپریشن کے لیے تیاریاں کر رہی ہے۔

عالمی میڈیا میں پی آئی اے فلائٹ آپریشن سے متعلق من گھڑت خبریں سامنے آنے پر پی آئی اے کی جانب سے وضاحتی بیان بھی سامنے آیا، جس میں ترجمان پی آئی اے نے بتایا کہ پی آئی اے کابل کے لیے پروازیں شروع کرے گا لیکن ابھی کچھ وقت درکار ہے، کابل سے چند اداروں نے پی آئی اے سے رابطہ کیا ہے۔

افغان حکام کی جانب سے اجازت نامہ جاری ہوتے ہی پروازوں کی روانگی کا شیڈول جاری کیا جائے گا۔

گزشتہ مہینے پی آئی اے نے افغانستان کے لیے اپنی پروازیں معطل کر دی تھیں۔ پی آئی اے واحد کمرشل ایئر لائن تھی جو افغانستان میں پھنسے شہریوں کو پاکستان لا رہی تھی۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain