تازہ تر ین

آسٹریلین حکومت نے نوواک جوکووچ کا ویزہ دوبارہ منسوخ کر دیا

سڈنی: (ویب ڈیسک) آسٹریلین حکومت نے سربین ٹینس سٹار نوواک جوکووچ کا ویزہ دوسری بار منسوخ کر دیا۔
کورونا ویکسین سے استثنیٰ کے معاملے پر آسٹریلیا داخلے کی اجازت نہ ملنے کے اقدام کو نوواک جوکووچ نے مقامی عدالت میں چیلنج کر دیا تھا،آسٹریلین عدالت نے حکومتی اقدام کالعدم قرار دیتے ہوئے سربین کھلاڑی کو آسٹریلیا داخل ہونے کی اجازت دیدی تھی۔
عدالت کے حکم کے باوجود آسٹریلوی حکومت اپنے موقف پر ڈٹ گئی تھی، حکام کا کہنا تھا کہ کسی غیر ملکی کو ویکسین سے استثنی کی بنیاد پر آسٹریلیا میں داخل ہونے کا حق حاصل نہیں، حکومت نوواک جوکووچ کو دوبارہ حراست میں لینے اور آسٹریلیا سے بے دخل کرنے کا حق محفوظ رکھتی ہے، اس موقف پر عملدرآمد اب دیکھنے میں آیا ہے اور سربین ٹینس کھلاڑی کا ویزا ایک بار پھر منسوخ کر دیا گیا ہے۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain