امریکا: (ویب ڈیسک) سوشل میڈیا کی مقبول ترین سائٹ فیس بک پر اب اسکرین شاٹ لینا مشکل ہو گا۔ فیس بکر میسنجر پر اب کسی کی چیٹ کا اسکرین شاٹ لیا تو فیس بک متعلقہ شخص کو اطلاع کرے گا۔
میٹا کی جانب سے جاری بلاگ میں بتایا گیا ہے کہ کمپنی نے میسنجر استعمال کرنے والے صارفین کی شکایات کو مدنظر رکھتے ہوئے اسکرین شاٹ ڈیٹکشن فیچر پر کام شروع کردیا ہے۔
اس فیچر کے تحت کسی بھی صارف کی چیٹ کا جب اسکرین شاٹ لیا جائے گا تو اُس کے پاس پیغام نوٹی فکیشن کی صورت میں موصول ہوگا۔
یہ فیچر صارفین کے لیے اس لیے بھی مددگار ثابت ہوگا کیونکہ وہ بے فکر ہوکر کسی سے بھی بات کرسکیں گے۔
فیس بک کے مطابق اسکرین شاٹ کا یہ فیچر اینڈ ٹو اینڈ سمیت ہر قسم کی چیٹ کے لیے دستیاب ہوگا۔
میٹا کا ماننا ہے کہ صارف مستقبل میں محفوظ چیٹ سسٹم استعمال کر کے خود کو محفوظ کریں تاکہ اگر کوئی بھی مسیج کا اسکرین شاٹ لے تو اُسے آگاہ کردیا جائے۔
