لاہور میں دو مختلف ٹریفک حادثات میں دو خواتین سمیت 5 افراد جاں بحق اورتین زخمی ہو گئے۔ پہلا حادثہ مانگا منڈی کی حدود میں ہوا جہاں ملتان روڈ پر تیز رفتار ٹرک نے خواتین کو کچل دیاجس کے نتیجہ میں دو خواتین موقع پر ہی جاں بحق اوردوزخمی ہو گئیں۔جاں بحق خواتین کی نعشیں شناخت کے بعد ورثاء کے حوالہ کردی گئیں جبکہ زخمی خواتین کا ہسپتال میں علاج جاری ہے۔ جبکہ دوسرا حادثہ فیروز پورروڈ پر اچھرہ کے قریب پیش آیا جہاں موٹر سائیکل پر سوارچارنوجوانوں کو تیز رفتار ڈمپر نے ٹکر ماردی۔ حادثہ کے نتیجہ میں تین نوجوان جاں بحق ہو گئے جبکہ ایک نوجوان زخمی ہو گیا۔تینوں نوجوانوں کی نعشیں مردہ خانہ منتقل کردی گئیں جبکہ زخمی نوجوان کا ہسپتال میں علاج جاری ہے۔ دونوں واقعات میں ملوث ڈرائیوروں کو گرفتار کر لیا گیا اور پولیس مزید قانونی کارروائی کررہی ہے۔
لاہور،مختلف ٹریفک حادثات ،5افراد جاں بحق ،3زخمی
