اسلام آباد: (ویب ڈیسک) کورونا وائرس دم توڑنے لگا، چوبیس گھنٹے میں کوئی ہلاکت نہیں ہوئی تاہم ستانوے نئے مریض ریکارڈ پر آ گئے۔ این آئی ایچ کے مطابق ملک بھر میں کورونا مریضوں کی تعداد 15 لاکھ 27 ہزار 248 ہو گئی جن میں سے ایکٹو کیسزکی تعداد 3279 ہے۔ ملک بھر میں کورونا سے جاں بحق افراد کی تعداد 30 ہزار 363 بتائی گئی ہے۔ 24 گھنٹے میں کورونا کے 2659 مریض صحت یاب ہوئے جس کے بعد شفا پانے والوں کی مجموعی تعداد 14 لاکھ 93 ہزار 606 تک پہنچ گئی ہے۔ اعداد و شمار کے مطابق 24گھنٹے کے دوران 23 ہزار 425 کورونا ٹیسٹ کیےگئے اب تک ملک بھرمیں 2 کروڑ 79 لاکھ 3 ہزار 660 کورونا ٹیسٹ کیے جا چکے ہیں۔ کورونا سے متاثر 213 مریضوں کی حالت تشویشناک ہے۔
کورونا دم توڑنے لگا، کوئی ہلاکت نہیں ہوئی، 97 نئے مریض ریکارڈ
