ہنگو: (ویب ڈیسک) قومی اسمبلی کے حلقہ تینتیس ہنگو میں ضمنی الیکشن کے دوران پولنگ کا عمل جاری ہے، پولنگ سٹیشنز پر سکیورٹی کے سخت انتظامات کئے گئے ہیں۔
پولنگ کا عمل شام پانچ بجے تک بغیر کسی وقفے کے جاری رہے گا جس کے دوران تین لاکھ سے زائد ووٹر اپنا حق رائے دہی استعمال کر سکیں گے۔ اے این پی ، جے یو آئی اور پی ٹی آئی کے امیدواروں میں کانٹے کا مقابلہ متوقع ہے۔
کسی بھی ناخوشگوار واقعے سے بچنے کیلئے پولیس اور قانون نافذ کرنے والے اداروں کی بھاری نفری تعینات کی گئی ہے۔
