سوشل میڈیا پر مقبولیت کے بھوکے نوجوان درختوں اور جنگلی جانوروں کی زندگیاں لینے پر اتر آئے
مارگلہ ہلز نیشنل پارک میں آگ لگا کر ویڈیو بنانے والے ٹک ٹاکرز کی محکمہ وائلڈ لائف بورڈ کے حکام نے ملزمان کی نشاندہی کرلی ہے جبکہ پولیس نے ایک ٹک ٹاکر کوبھی ایبٹ آباد سے گرفتار کرلیا، خاتون ٹک ٹاکر سمیت دیگر ملزمان کی گرفتاری کیلئے کوشش کی جارہی ہے
تفصیلات کے مطابق پاکستان شوبز انڈسٹری سے تعلق رکھنے والی معروف اداکارہ و ٹک ٹاکر ڈولی ،جو ایک فیشن سیلون بھی چلاتی ہیں گزشتہ دنوں اپنے مداحوں کیلئے ٹک ٹاک ویڈیو بنانے کیلئے مری پہنچی تھی،جہاںان کی ٹیم نے ٹک ٹاک ویڈیو بنانے کیلئے مارگلہ کی پہاڑی پر آگ لگا دی تھی،جسے ڈولی کی جانب سے اپنے تصدیق شدہ انسٹاگرام اکاﺅنٹ پر اپ لوڈ بھی کیا گیا۔
