تازہ تر ین

بابراعظم کا نئے سیزن کا آغاز ویسٹ انڈیز کیخلاف کامیابی سے کرنے کا عزم

لاہور: (ویب ڈیسک) قومی ٹیم کے کپتان بابر اعظم نئے سیزن کا آغاز ویسٹ انڈیز کے خلاف سیریز میں کامیابی سے کرنے کا عزم کا رکھتے ہیں۔
عمرہ نیشنل ہائی پرفارمنس سینٹر میں میڈیا سے بات کرتے ہوئے بابراعظم کا کا کہنا تھا کہ سخت گرمی میں کرکٹ کھیلنا آسان نہیں ہوتا، اس لیے کنڈیشنگ کیمپ میں لڑکے کافی محنت کر رہے ہیں۔
ویسٹ انڈیز کے خلاف سیریز کے بعد دورہ سری لنکا اہم ہوگا، انگلینڈ کے ساتھ سیریز، ورلڈکپ پھر نیوزی لینڈ کے ساتھ میچز ہیں، اس لیے کافی لمبا سیزن ہے۔
بطور کپتان اور ٹیم سب یہ چاہتے ہیں کہ جس مومنٹیم سے گزشتہ سیزن ختم ہوا، اسی پرفارمنس، جوش اور جذبے سے نئے سیزن میں بھی اپنی فارم کو جاری رکھ کر شاندار کھیل پیش کریں۔
بابر اعظم نے واضح کیا ہے کہ ذاتی ہدف یہی ہوتا ہے کہ ایسی پرفارمنس دوں جس سے ٹیم کو فائدہ ہوں، مختلف کنڈیشنز میں پرفارمنس کے لیے پلاننگ اہم ہوتی ہے، کوشش کرتا ہوں کہ پرسکون رہ کر میدان میں جاوں۔
ورلڈ کپ سے پہلے اگر نیوزی لینڈ میں جاکر کھیلنے کا موقع ملتا ہے، تو اس سے بہت فائدہ ہوگا کیونکہ وہاں کی کنڈیشنز اور آسٹریلیا کی کینڈیشنز کافی ملتی جلتی ہیں، اس سے پہلے بھی کافی ٹی ٹوئنٹی میچز ہمیں کھیلنا ہیں، جتنی زیادہ کرکٹ کھیلنے کو ملے گی، اتنا ہی ہمیں فائدہ ہوگا۔ ہم سب کافی پراعتماد اور ورلڈکپ کے لیے پرجوش ہیں۔


اہم خبریں





دلچسپ و عجیب
کالم
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain