برطانیہ : (ویب ڈیسک) ملکہ برطانیہ کی تخت نشینی کی 70ویں سالگرہ کی تقریبات کا اختتام ہو گیا۔
برطانیہ میں ملکہ الزبتھ دوم کی تخت نشینی کے ستر برس مکمل ہونے پر چار روزہ شاندار تقریبات اتوار کو ایک شاندار نمائش کے ساتھ اختتام پذیر ہو گئیں۔
96 سالہ ملکہ ایک بار پھر بکنگھم پیلس کی بالکونی میں نمودار ہوئیں اور عوامی مجمعے کیساتھ مل کر قومی ترانہ گایا۔ شائقین کی ایک بہت بڑی تعداد نے ملکہ کا زبردست خیر مقدم کیا۔
اس موقع پر ملکہ برطانیہ بالکونی میں اپنے جاننشینوں پرنس چارلس اور کیملا کے ساتھ کھڑی ہوئیں۔ بالکونی میں پرنس ولیم اور کیتھرین اور ان کے بچے بھی موجود تھے۔
ملکہ الزبتھ کو پیدل چلنے میں مشکلات کا سامنا ہے اس کے سبب انہوں نے زیادہ تر تقریبات میں ذاتی طور پر شریک ہونے سے معذرت کرلی تھی۔
اتوار کی شام اپنے شکریہ کے پیغام میں ملکہ نے کہا کہ وہ اپنی اہلیت کے مطابق اپنے لوگوں کی خدمت کرنے کے لیے پرعزم ہیں۔
2جون 1953 کو برطانیہ کی ملکہ کی حیثیت سے تخت نشین ہونے والی الزبتھ الیگزینڈرا میری 21 اپریل 1926 کو برطانوی بادشاہ جارج چہارم کے گھر پیدا ہوئیں۔
ملکی برطانیہ برطانوی نے تاریخ میں سب سے طویل عرصے تک حکمرانی کرنے کا اعزاز حاصل کر لیا۔
ملکہ برطانیہ کی تخت نشینی کی پلاٹینیم جوبلی تقریبات کا اختتام
