کراچی : (ویب ڈیسک) کراچی کے مارشل آرٹس خاندان نے ورلڈ ریکارڈ بنا کر دنیا میں پاکستان کا نام روشن کرنے کی ٹھان لی، 70 سالہ بزرگ نسیم احمد نے انگلینڈ کا ریکارڈ توڑنے کے بعد بھارت پر نظریں جما لیں،ان کے بیٹے نے بھی ریکارڈ کی سنچری بنانے کے لئے کمر کس لی۔
انگلینڈ سے ورلڈ ریکارڈ چھیننے کے بعد کراچی کے 70 سالہ بزرگ نے اپنی نظریں بھارتی ریکارڈز پر جما لیں، نسیم الدین پیشے سے لوہار ہیں اور اب وہ مارشل آرٹس میں ورلڈ ریکارڈ بنا کر پاکستان کا نام روشن کر رہے ہیں
نسیم الدین کے بیٹے اور پوتی بھی ورلڈ ریکارڈ ہولڈر ہیں، راشد نسیم کا کہنا ہے کہ 77 ریکارڈ اپنے نام کرچکا ہوں 5 گینز بک انتظامیہ کے پاس ہیں جو جلد منظور ہو جائیں گے
راشد نسیم دکان پر اپنے والد کا بھی ہاتھ بٹاتے ہیں، مارشل آرٹس فیملی پر عزم ہے کہ مزید نئے عالمی ریکارڈز بنا کر قومی پرچم بلند کرے۔
