اسلام آباد: (ویب ڈیسک) یوٹیلیٹی اسٹورز پر بھی مہنگائی کا طوفان آگیا، مصالحہ جات اور ٹوتھ پیسٹ سمیت درجنوں اشیاء مہنگی کر دی گئیں۔
نوٹیفکیشن کے مطابق 75 گرام ٹوتھ پیسٹ 20 روپے اضافہ سے 117روپے، ٹوائلٹ رول پیپر 5 روپے مہنگا ہوکر 74روپے جبکہ ٹشو پیپر 25 روپے اضافے سے 198روپے کا ہوگیا، برتن دھونے والے اسپونج کی قیمت میں 66 روپے اور ونڈو کلینر کی قیمت میں 43 روپے کا اضافہ ہوا ہے۔
جاری کردہ نوٹیفکیشن کے مطابق ماچس پیک 10 روپے اضافے سے 50 روپے جبکہ 1 کلو مکس اچار کی قیمت 55 روپے اضافے سے 333 روپے ہوگئی ہے۔
