نئی دہلی: (ویب ڈیسک) بھارتی سپریم کورٹ نے نوپورشرما کو گستاخانہ بیانات پرمعافی مانگنے کا حکم دے دیا۔ عدالت نے سابق بی جے پی رہنما پر کڑی تنقید کرتے ہوئے کہا کہ گستاخانہ بیانات نے پورے ملک کو آگ میں جھونک دیا ہے۔
گستاخانہ بیانات کا معاملہ، بھارتی سپریم کورٹ نے نوپورشرما پر کڑی تنقید کرتے ہوئے سابق بی جے پی رہنما کو قوم سے معافی مانگنے کا حکم دے دیا۔ سماعت کے دوران سپریم کورٹ کا کہنا تھا کہ سابق بی جے پی رہنما کے بیانات نے پورے ملک کو آگ میں جھونک دیا، امن وامان کی صورتحال کو بھی شدید خطرات لاحق ہو گئے۔
نوپورشرما کے گستاخانہ بیانات پربھارت کی کئی ریاستوں میں متعدد ایف آئی آر کاٹی جا چکی ہیں۔ سابق بی جے پی رکن نے سپریم کورٹ میں دیگر ریاستوں میں درج مقدمات کو دلی منتقل کرنے کی درخواست دائرکی تھی۔
