،کترینہ کیف نے شادی کو خفیہ کیوں رکھا؟، راز سے پردہ اٹھا دیا

ممبئی:  (ویب ڈیسک) معروف اداکار جوڑی کترینہ کیف اور وکی کوشل کے شادی کی تقریب کو خفیہ رکھے جانے کی وجہ سامنے آگئی ہے۔کترینہ کیف اور وکی کوشل گزشتہ برس 9دسمبر کو راجستھان کے شہر سوائی مادھو پور کے ایک ریزورٹ میں رشتہ ازدواج میں منسلک ہوئے تھے۔اس اداکار جوڑی کی شادی کی تقریب کے حوالے سے ہر طرح کی معلومات کو میڈیا سے دور رکھا گیا تھا اور اس وقت تک اس شادی کی تصدیق نہیں ہوسکی تھی جب تک کہ کترینہ اور وکی نے خود سوشل میڈیا اکاونٹس پر اپنی شادی کی تصاویر شیئر نہیں کیں۔کترینہ کیوف نے حال ہی میں فلم فیئر ایوارڈز کی تقریب کے دوران میڈیا کو انٹرویو دیتے ہوئے بتایا کہ مجھے لگتا ہے کہ شادی کی تقریب کو خفیہ رکھنے کی کوشش کے پیچھے بڑی وجہ بدقسمتی سے کورونا وائرس کے پھیلائو کو روکنے کیلئے عائد پابندیاں تھیں۔ انہوں نے کہا کہ آپ جانتے ہیں کہ میری فیملی ذاتی طور پر بھی کورونا وائرس سے متاثر ہوئی، اور ظاہر ہے کہ اس صورتحال کو سنجیدگی سے لینا ضروری تھا۔انہوں نے مزید کہا کہ مجھے لگتا ہے کہ رواں سال بہت بہتر رہا ہے، ہم کورونا وائرس کے پیشِ نظر تھوڑا محتاط رہنا چاہتے تھے، لیکن شادی بہت خوبصورت تھی اور ہم دونوں بہت خوش ہیں۔