فیروز خان نے سابق اہلیہ پر تشدد کرنے کی تردید کردی

لاہور: (ویب ڈیسک) اداکار فیروز خان نے سابق اہلیہ علیزے سلطان پر تشدد کرنے کی تردید کردی۔
اداکار فیروزخان نے سوشل میڈیا پر جاری بیان میں کہا کہ میں اپنے اوپر لگائے گئے تمام بے بنیاد اورجھوٹے الزامات کی تردید کرتا ہوں۔
فیروز خان نے کہا کہ سوشل میڈیا پر چلنے والی افواہوں میں کوئی صداقت نہیں، یہ تمام الزامات جھوٹے ہیں جن کا حقیقت سے کوئی تعلق نہیں، اس طرح کی باتیں پھیلانے والوں کے خلاف قانونی کارروائی کا حق رکھتا ہوں۔
انہوں نے مزید کہا کہ اپنی قانونی ٹیم کو الزامات لگانے والوں کے خلاف کارروائی کرنے کی ہدایت کردی ہے، میں قانون کی پاسداری اور انسانی حقوق پر مکمل یقین رکھتا ہوں۔
واضح رہے کہ اداکار فیروز خان کی سابق اہلیہ علیزے سلطان نے عدالت میں فیروز خان کی جانب سے کیے گئے تشدد کے ثبوت پیش کیے تھے۔