صبا قمر کا جعلی اکاؤنٹ ٹویٹر سے ویریفائیڈ، اداکارہ نے خبردار کردیا

کراچی: (ویب ڈیسک) پاکستانی اداکارہ صبا قمر نے اپنے مداحوں کو ٹوئٹر پر پھیلے جعلی اکاؤنٹ سے خبردار کرتے ہوئے جعلسازوں کو پیغام دیا ہے کہ وہ بچپنا چھوڑ کر بڑے ہوجائیں۔
ایک سوشل میڈیا جعلساز نے نہ صرف ان کے نام سے جعلی پروفائل بنائی بلکہ اس پر تصدیق شدہ بلیو ٹک بھی خرید لی۔
صبا قمر نے اپنے اصل اکاؤنٹ کا اسکرین شاٹ انسٹاگرام اسٹوری میں شئیر کرکے وضاحت دی اور کہا ہے کہ بلیو ٹک کے نشان پر بھروسہ نہ کریں یہ ایک جعلی اکاؤنٹ ہے اور میرا آفیشل ٹوئٹر اکاونٹ یہ ہے۔
اداکارہ نے جعلسازی کرنے والوں کو پیغام دیتے ہوئے کہا کہ وہ جھوٹی شہرت کی خاطر جعلی معلومات پھیلانا بند کردیں۔
انہوں نے مزید کہا کہ یہ بچپنا چھوڑیں اور بڑے ہوجائیں کیونکہ توجہ حاصل کرنے کے لیے جعلی اکاؤنٹ بنا کر اس پر پیسہ خرچ کرنا سراسر بچکانہ حرکت ہے۔