لاہور: (ویب ڈیسک) وزیر اعلیٰ پنجاب چودھری پرویز الہٰی نے اداکار طارق ٹیڈی کے لئے مالی امداد کا اعلان کر دیا۔
وزیر اعلیٰ چودھری پرویزالہٰی کی جانب سے طارق ٹیڈی کے بیٹے جنید طارق کو 5 لاکھ روپے کی مالی امداد کا چیک دیا گیا، صوبائی سیکرٹری اطلاعات آصف اقبال لودھی اور وزیر اعلیٰ پنجاب کے پریس سیکرٹری چودھری محمد اقبال نے پی کے ایل آئی میں اداکار طارق ٹیڈی کی عیادت کی۔
سیکرٹری اطلاعات اور پریس سیکرٹری نے وزیر اعلی چودھری پرویزالٰہی کی جانب سے طارق ٹیڈی کے بیٹے کو مالی امداد کا چیک دیا، وزیر اعلی پنجاب نے طارق ٹیڈی کو گلدستہ بھی بھجوایا، وزیر اعلی چودھری پرویزالہٰی نے طارق ٹیڈی کی جلد صحت یابی کیلئے دعا کی۔
وزیراعلیٰ چودھری پرویزالٰہی کی ہدایت پر محکمہ سپیشلائزڈ ہیلتھ کیئر اینڈ میڈیکل ایجوکیشن کا طارق ٹیڈی کے علاج معالجے کیلئے خصوصی میڈیکل بورڈ تشکیل دینے کے لئے مراسلہ ڈین پی کے ایل آئی کو فی الفور میڈیکل بورڈ تشکیل دیئے کی ہدایت کی گئی۔
چودھری پرویز الٰہی نے کہا کہ پنجاب حکومت طارق ٹیڈی کے علاج معالجے کیلئے ہر ممکن اقدام کرے گی۔
وزیراعلیٰ پنجاب نے طارق ٹیڈی کو علاج کیلئے 5 لاکھ کا امدادی چیک دے دیا
