ممبئی: (ویب ڈیسک) بالی وڈ دبنگ اسٹار سلمان خان اور اداکارہ ریواٹھی 32 برس بعد ایک بار پھر فلم ’ٹائیگر 3‘ میں ایک ساتھ نظر آئیں گے۔
بگ باس 16 کی قسط میں ریواٹھی نے اپنی آنے والی فلم ’سلام وینکی‘ کی تشہیر کے لیے کاجول کے ہمراہ بطور مہمان شرکت کی۔
شو کے دوران سلمان خان نے انکشاف کیا کہ وہ دونوں فلم ’ٹائیگر 3‘ میں 32 سال کے بعد ایک بار پھر ایک ساتھ نظر آئیں گے، جس میں کترینہ کیف بھی موجود ہیں۔
واضح رہے کہ اس سے قبل 1991 میں ریلیز ہونے والی فلم ’لَو‘ میں سلمان خان اور ریواٹھی کی جوڑی بہت مقبول ہوئی تھی۔
سلام وینکی کے ڈائریکٹر کے مطابق ’ریواٹھی‘ ٹائیگر 3 میں گریش کرناڈ کی جگہ را چیف کے طور پر نظر آئیں گی۔
ٹائیگر 3 میں عمران ہاشمی ایک ولن کے کردار میں نظر آئیں گے جب کہ فلم میں ریدھی ڈوگرا بھی اہم کردار ادا کریں گے۔
منیش شرما کی ہدایت کاری میں بننے والی یہ فلم 2023 کی عید پر ریلیز کی جائے گی۔
سلمان خان اور ریواٹھی 32 برس بعد’ٹائیگر 3‘ میں ایک ساتھ نظر آئیں گے
