لاہور: (ویب ڈیسک) انگلش کپتان بین اسٹوکس کی جانب سے چائے کی تعریف نے پاکستانیوں کو”ٹی از فنٹاسٹک” کی یاد دلا دی۔
راولپنڈی ٹیسٹ کے حوالے سے پریس کانفرنس کےدوران صحافی کی جانب سے انگلینڈ کرکٹ ٹیم کے کپتان بین اسٹوکس سے سوال پوچھا گیا کہ چائے کیسے تھی؟
بین اسٹوکس سوال سن کر کچھ دیر کیلیے رکے اتنی دیر میں صحافیوں کی جانب سے انہیں ٹی از فنٹاسٹک کا جملہ یاد دلایا گیا جس ہرانہوں نے ہنستے ہوئے جواب دیا کہ” ٹی واز بریلینٹ”۔
انگلش کپتان کی جانب سے چائے کیلیے تعریفی جملے نے سوشل میڈیا پر پاکستانیوں کو ایک بار پھر”ٹی از فنٹاسٹک کی یاد دلادی۔
ایک صارف نے بین اسٹوکس کی ویڈیو شیئر کرتے ہوئے لکھا ہے کہ بین اسٹوکس کو بھی اس بارے میں پتہ ہے۔
ایک اور صارف کا کہنا ہے کوئی پڑوسیوں سے بھی پوچھ لو کہ چائے کیسی تھی؟
صارفین نے بین اسٹوکس کے جملے کو بھارتی پائلٹ ابھی نندن کے جملے سے جوڑتے ہوئے کہا ہے کہ ٹی از فنٹاسٹک سے ٹی واز بریلیٹ تک
واضح رہے کہ 27 فروری 2019 کو پاک فضائیہ کی جانب سے بھارت سر پرائز دیا گیا۔ پاک فوج نے تباہ ہونے والے بھارتی لڑاکا طیارے کے پائلٹ ابھی نندن کو پکڑا تھا اور عوامی تشدد سے بچا کر اسے نہ صرف طبی امداد دی بلکہ گرما گرم چائے کا کپ بھی پلایا تھا۔
بھارتی پائلٹ نے چائے کی تعریف کرتے ہوئے کہا تھا کہ “ٹی از فنٹاسٹک” جس کے بعد یہ جملہ پاکستان اور بھارت سمیت دنیا بھر میں مقبول ہوا جو ہمیشہ یاد رکھا جائے گا۔
