لنکا پریمیئر لیگ :جافنا کنگز نے مسلسل دوسری فتح اپنے نام کرلی

کولمبو : (ویب ڈیسک) لنکا پریمیئر لیگ میں جافنا کنگز نے دمبولا کو 9 وکٹوں سے شکست دیدی۔ بدھ کو ہمبنٹوٹا میں کھیلے گئے میچ میں دفاعی چیمپئن جافنا کنگز نے دمبولا کو شکست دے کر ایونٹ میں مسلسل دوسری فتح اپنے نام کی۔ دمبولا کی ٹیم نے ٹاس جیت کر پہلے بیٹنگ کا فیصلہ کیا اور مقررہ اوورز میں 9 وکٹوں کے نقصان پر 121 رنز بنائے، جارڈن کوکس نے 22 گیندوں پر 43 رنز کی اننگ کھیلی، جافنا کنگز کے لیے وجے کانت ویاسکانتھ نے 24 رنز عوض 3اور مہیش تھیکشنا نے 20 رنز کے عوض 3 کھلاڑیوں کو پولین کی راہ دکھائی۔ جواب میں فاتح ٹیم نے 122 رنزکا ہدف ایک وکٹ کے نقصان پر 4اوورز قبل حاصل کیا،سدیرا سمارا وکرما کے 44گیندوں پر 62اور اویشکافرنینڈوکے 49گیندوں پر 51رنز کی ابتدائی شراکت نے ٹیم کی فتح میں اہم کردار ادا کیا، سدیرا سمارا وکرما کو پلیئر اف دی میچ کا ایوارڈ دیا گیا۔