اسمبلی کی تحلیل سے متعلق بیان سیاق و سباق سے ہٹ کر چلایا گیا: بیرسٹر سیف

پشاور: (ویب ڈیسک) معاون خصوصی اطلاعات وزیراعلیٰ خیبر پختونخوا بیرسٹر محمد علی سیف کا کہنا ہے کہ اسمبلی کی تحلیل کے حوالے سے میرا بیان سیاق و سباق سے ہٹ کر چلایا گیا۔
بیرسٹر سیف نے کہا کہ مجھ سے منسوب بیان سیاق و سباق سے ہٹ کر چلایا جارہا ہے، کے پی کے تمام وزراء، اراکین اسمبلی وزیراعلیٰ کی سربراہی میں متحد اور عمران خان کے ساتھ ہیں۔
بیرسٹر سیف نے مزید کہا کہ عمران خان جب بھی حکم دیں گے اسمبلی تحلیل کر دی جائے گی۔
خیال رہے کہ اس سے قبل بیرسٹر سیف کا یہ بیان سامنے آیا تھا کہ کے پی اسمبلی کی تحلیل کے معاملے پر کچھ وزراء اور اراکین میں اختلافات ہیں، اسمبلی کی تحلیل کے معاملے پر تمام اراکین کو اپنی رائے چیئرمین پی ٹی آئی عمران خان کے سامنے رکھنے کی مکمل آزادی ہے تاہم کچھ وزراء اور ارکان میں اختلافات ہیں، پنجاب اسمبلی تحلیل ہو جائے تو پھر بات بن سکتی ہے۔