ملتان : (ویب ڈیسک) ملتان ٹیسٹ میں پاکستانی ٹیم مشکلات کا شکار ہے ۔ پاکستان کی پوری ٹیم 202 رنز پر آوٹ ہوگئی۔
ملتان ٹیسٹ میں پاکستانی بیٹنگ لائن لڑ کھڑا گئی۔ پاکستان کی پوری ٹیم 202 رنز پر پویلین لوٹ گئی۔ انگلینڈ کو 79 رنز کی برتری حاصل ہے۔
بابر اعظم کے 75 اور سعود شکیل کے 63 رنز کے علاوہ کوئی بیٹسمین اچھی بیٹنگ نہیں کر سکا۔
امام الحق صفر، عبداللہ شفیق 14، محمد رضوان 10، آغا سلمان 4 اور محمد نواز ایک رنز بنا کر پویلین لوٹ گئے۔ محمد علی اور زاہد محمودبغیر کوئی رن بنائے آوٹ ہوئے۔
انگلینڈ کے جیک لیچ نے 4 کھلاڑیوں کو پویلین کی راہ دکھائی۔ مارک ووڈ اورجو روٹ نے 2،2 کھلاڑیوں کو آوٹ کیا۔ جیمز انڈرسن اور روبنسن نے ایک ایک کھلاڑی کو آوٹ کیا۔
اس سے قبل انگلینڈ کی ٹیم پہلی اننگز میں 281 رنز بنا کر آوٹ ہوئی تھی۔ پاکستان کی طرف سے ڈیبیو کرنے والے ابرار احمد نے 7 اور زاہد محمود نے تین کھلاڑیوں کو آوٹ کیا تھا۔
واضح رہے کہ ٹیسٹ سیریز میں برطانیہ کو پاکستان پر ایک صفر کی برتری حاصل ہے۔
ملتان ٹیسٹ میں پاکستان مشکلات کا شکار، 202 پر پوری ٹیم آوٹ
