اسلام آباد: (ویب ڈیسک) وفاقی کابینہ کا اہم اجلاس آج ہوگا ، وزیر اعظم کے دورہ سکھر، حیدر آباد کے باعث اجلاس صبح کے بجائے اب شام ساڑھے 6 بجے ہوگا ۔
ذرائع کے مطابق وزیر اعظم آج صبح سکھر حیدر آباد موٹر وے کا سنگ بنیاد رکھیں گے، وفاقی کابینہ اجلاس کے وقت میں تبدیلی وزیر اعظم کے دورہ سکھر اور حیدر آباد کی وجہ سے کی گئی ہے ۔
وزیر اعظم محمد شہباز شریف کی زیر صدارت ہونے والے وفاقی کابینہ کے اجلاس میں ملکی سیاسی و معاشی صورتحال کا جائزہ لیا جائے گا۔
اجلاس میں ریکوڈک منصوبہ کی تعمیر سے متعلق معاہدے کی منظوری دی جائے گی، پٹرولیم ڈویژن ریکوڈک منصوبہ پر کابینہ کو بریفنگ دے گی ، وفاقی کابینہ ریکوڈک منصوبہ پر ریگولیٹری منظوریاں بھی دے گی۔
ذرائع کے مطابق وفاقی کابینہ اقتصادی رابطہ کمیٹی کے 11 دسمبر کے فیصلوں کی توثیق کرے گی، ای سی سی میں ریکوڈک منصوبہ سے متعلق وفاقی حکومت اور بلوچستان حکومت کے فنڈنگ پلان کی بھی منظوری دی جائے گی۔
وزیراعظم کا دورہ سکھر ، وفاقی کابینہ اجلاس کا وقت تبدیل
