لاہور: (ویب ڈیسک) لاہور ایکسپو سینٹر میں 6تا8جنوری 2023تک ہونے والے کے دوران عزت ما ٓب شہزادہ فہد بن منصور السعود نے اسٹیک ہولڈرز سے ورچوئل خطاب کرتے ہوئے کاروباری آسانیوں کے فروغ کیلئے ایک مخصوص سعودی-پاک ٹیک ہاؤس کے قیام کا اعلان کیا۔عزت مآب شہزادہ فہد بن منصور السعود جائنٹ ٹیک کمپنی ILSA Interactive,کے شریک بانی ہیں،جس کی بنیاد پہلی بار2009میں پاکستانی سلمان ناصر نے رکھی تھی،یہ پاکستان-سعودی ڈیجیٹل تعاون کی عمدہ کارکردگی کی ایک بڑی مثال ہے۔
عزت مآب شہزادہ فہد بن منصور السعود نے اس مقصد کیلئے کمپنی کیلئے 100ملین مالیت کے پراجیکٹ کے ساتھ مزید300سے زائد منصوبوں کا اعلان بھی کیا،جس سے پاکستان،سعودی عرب اور عالمی سطح پر1000سے زائد ملازمتیں پیدا ہوں گی۔
اپنے ورچوئل خطاب کے دوران ان کا کہناتھا کہ”مجھے ملک کی سب سے بڑی ٹیک کانفرنس و نمائش Future Fest 2023 میں پاکستان کے فکری رہنماؤں اور آئی ٹی انڈسٹری کے ایسے معزز اور باوقار اجتماع کا حصہ بننے پر انتہائی فخر ہے،میرا پاکستان کا سفر 5سال قبل لاہور میں ایک آئی ٹی کمپنی کے قیام کے امکانات کی تلاش سے شروع ہوا تھا۔“
مجھے کہنے دیں کہ پاکستان کے وسائل تمام شعبوں میں انتہائی با صلاحیت ہیں،تکنیکی وسائل،صارف تجربہ اور کوالٹی ایشورنس کے وسائل کام کے اعتبار سے انتہائی اچھے ثابت ہوئے ہیں۔
انہوں نے مزید کہا کہ ”مجھے خوشی ہے کہ ,Future Fest 2023میں سعودی اسٹارٹ اپس اور وینچر کیپیٹلسٹ کے وفد کو پاکستانی کمپنیوں اور اہم اسٹیک ہولڈرز سے سرمایہ کاری،شراکت داری،ایکیوزیشن اور ٹیلنٹ کی بھرتی کے مواقع ملیں گے۔“
شہزادہ فہد بن منصور السعود نے اپنے خطاب کے دوران دو مقدس مساجد کے متولی شاہ سلمان کی قیادت میں سلطنت کے وژن2030کے روڈ میپ پر بھی روشنی ڈالی،جو NEOMجیسے بڑے نئے اسمارٹ شہروں کے ساتھ ساتھ ٹیکنالوجی کے شعبے کی ترقی کے گواہ ہیں۔انہوں نے اس بات پر زور دیا کہ کس طرح ILSA Interactiveجیسی کمپنیاں پاکستانی اور سعودی لیڈرز کے تمام شعبوں میں موجودہ اسٹریٹجک تعلقات کو مزید مضبوط کرنے کے عزم کی عکاس ہیں،جن کا پاکستان میں آئی ٹی کمپنیوں،یونیورسٹیوں اور بڑے تعلیمی اداروں کے ساتھ شراکت داری قائم کرنے کا منصوبہ ہے۔
شہزادہ فہد بن منصور السعود نے سعودی-پاکستان ٹیک ہاؤس کے قیام کے اعلان پر تصدیق کی کہ ہاؤس کا صدر دفتر ریاض میں ہوگا جبکہ اس کی پہلی شاخ لاہور میں ہوگی۔
شہزادہ فہد بن منصور السعود کا Future Fest کے موقع پر سعودی-پاکستان ٹیک ہاؤس کے قیام کا اعلان
