تازہ تر ین

جو مقدمہ درج ہوا اس پر فخر، نیلسن منڈیلا پر بھی یہی مقدمہ تھا: فواد چودھری

لاہور: (ویب ڈیسک) پاکستان تحریک انصاف کے رہنما فواد چودھری نے کہا ہے کہ جو مقدمہ درج ہوا اس پر فخر ہے، نیلسن منڈیلا پر بھی یہی مقدمہ تھا۔
رات دیر گئے لاہور سے گرفتار ہونے والے پی ٹی آئی رہنما فواد چودھری کو پولیس نے راہداری ریمانڈ کے لیے کینٹ کچہری پیش کیا جبکہ فواد چودھری کے وکلاء کی جانب سے راہداری ریمانڈ کی مخالفت کی گئی۔
عدالت پیشی کے موقع پر فواد چودھری کا میڈیا نمائندوں سے گفتگو کرتے ہوئے کہنا تھا کہ میری پیشی پر پولیس ایسے لگائی ہے کہ جیسے میں کوئی جیمز بانڈ ہوں، جس طرح گرفتار کیا گیا وہ مناسب نہیں تھا، مجھے یہ فون کرتے میں خود ہی آجاتا۔
فواد چوہدری کا کہنا تھا میں تو کہتا ہوں کہ 22 کروڑ عوام پر مقدمات بنا دیں، مجھے گرفتار کرنے والوں کو شرمندگی ہو گی، پولیس بتائے مجھے کس جرم میں گرفتار کیا گیا ہے۔
ان کا کہنا تھا جو مقدمہ درج ہوا ہے اس پر فخر ہے، نیلسن منڈیلا پر بھی یہی مقدمہ تھا، کہا جا رہا ہے میں نے بغاوت کی، میں سابق وفاقی وزیر اور سپریم کورٹ کا وکیل ہوں، مجھے عزت و احترام کے ساتھ ٹریٹ کیا جائے۔


اہم خبریں





دلچسپ و عجیب
کالم
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain