سرگودھا: (ویب ڈیسک) معروف رئیل اسٹیٹ گروپ شالیمار گروپ آف کمپنیز اپنے نئے منصوبے شالیمار اسمارٹ سٹی کے لیے دنیا کے بہترین ماہرین تعمیرات کو سرگودھا لایا ہے، جس کا ڈیزائن دنیا کے بہترین اربن پلانرز Meinhardt Group سنگا پور تیار کر رہے ہیں۔
سمارٹ بزنس ڈسٹرکٹ سرگودھا کی باضابطہ لانچنگ تقریب جمعہ17 فروری کو Elysiumکے زیر اہتمام ہوئی۔ جس میں ملکی اور غیرملکی نمائندوں کے علاوہ سرگودھا اور دیگر شہروں کی رئیل اسٹیٹ، تاجر برادری بھی شریک ہوئی۔
اس موقع پر گفتگو کرتے ہوئے چیئرمین شالیمار گروپ آف کمپنیز سرگودھا ملک خضر حیات اعوان نے اس عزم کا اظہار کیا کہ شالیمار اسمارٹ سٹی ایک قابل قدر رہائشی منصوبہ ہے جو بین الاقوامی معیار پر تعمیر کیا جا رہا ہے۔ جس میں اب ایک اسٹیٹ آف دی آرٹ بزنس زون ہے۔ جس سے سرگودھا کے لوگوں کا معیار زندگی بلند ہوگا اور یہ منصوبہ ملک بھر میں جانا جائے گا۔
سرگودھا کی آبادی بڑھنے کے باعث شہر کے اندر مزید کاروباری مراکز بنانے کے لیے کافی جگہ نہیں۔ اسمارٹ بزنس ڈسٹرکٹ نہ صرف رہائشیوں کی تمام ضروریات کو پورا کرے گا بلکہ نئے کاروبار کی افزائش کے لیے لامتناہی مواقع بھی پیدا کرنے کے علاوہ سیاحوں کی توجہ کا مرکز بھی بنے گا۔
شالیمار گروپ نے گزشتہ برسوں کے دوران اپنی کارکردگی کے ذریعے سرگودھا شہر کا منظرنامہ بدل دیا ہے۔ شالیمار گروپ آف کمپنیز کے بہت سے ایسے منصوبے ہیں جن کو مقامی اور سرکاری اداروں کی طرف سے سراہا گیا ہے جو پاکستان میں ایک قابل اعتماد کاروباری ادارے کے طور پر سرکاری اور نجی دونوں شعبوں میں ان کی صلاحیت کو مزید مستحکم کرتے ہیں۔
سمارٹ بزنس ڈسٹرکٹ سرگودھا میں ایک نئے دور کی شروعات!
