اسلام آباد: (ویب ڈیسک) بجلی کے صارفین سے رواں سال 14 روپے 34 پیسے فی یونٹ تک فیول ایڈجسٹمنٹ چارجز وصول کرنے کا فیصلہ کر لیا گیا۔
ملک بھر کے بجلی صارفین سے رواں سال مارچ سے اکتوبر کے دوران بلوں میں اضافی چارچز وصول کیے جائیں گے جس کیلئے وزارت توانائی نے نیپرا کو گائیڈ لائنز بھجوادی ہیں۔
فیول پرائس ایڈجسٹمنٹ چارجز کا نفاذ سر کلر ڈیٹ مینجمنٹ پلان کا حصہ ہے، جس کی وصولی کیلئے منظوری نیپرا سے لی جائے گی، یکم مارچ سے چارجز کی وصولی شروع ہوگی۔
حکومت کی جانب سے 200 یونٹ استعمال کرنے والے صارفین 10 روپے 34 پیسے فی یونٹ، 201 سے 300 یونٹ استعمال کرنے والے صارفین سے 8 ماہ میں 14 روپے 24 پیسے، کسانوں سے 8 ماہ میں 9 روپے 90 پیسے فی یونٹ تک سرچارج وصول کیا جائے گا۔
کراچی کے شہریوں سے 8 ماہ میں 13 روپے 87 پیسے جبکہ مارچ سے اکتوبر تک 50 پیسے سے 3 روپے فی یونٹ تک چارج عائد ہوگا۔
رواں سال 14 روپے 24 پیسے فی یونٹ تک فیول ایڈجسٹمنٹ چارجز وصولی کا فیصلہ
