شیخوپورہ(بیورورپورٹ) لاہور روڈ چوہدری مل سٹاف پر واقعہ پریمیرپیپر ملز میں مزدوروں کی سیفٹی نہ ہونے کی بنا پر دو مزدور حفاظتی انتظامات نہ ہونے کی بناء پر کام کے دوران حادثے کا شکار ہو کر جاں بحق ہو گئے ،دونوں مزدور کرین پر چڑھ کر کام کر رہے تھے کہ اچانک حادثے کا شکار ہو گئے جنہیں ڈی ایچ کیوہسپتال منتقل کیا گیا مگر زخموں کی تاب نہ لاتے ہوئے دم توڑ گئے بتایا گیا ہے کہ گزشتہ ہفتے بھی اسی فیکٹری میں ایک مزدور کام کرنے کے دوران کرنٹ لگنے سے جاں بحق ہوا تھا جس کے ورثا نے ڈیڈ باڈی مل کے گیٹ پر رکھ کر احتجاجی مظاہرہ کیا تھا اور بعد ازاں لاہور روڈ کو ٹریفک کے لیے بند کر کے احتجاج کیا تھا بعدازاں پولیس کی مداخلت پر احتجاج ختم کیا گیا اور ڈیڈ باڈی کو تھانہ ہاؤسنگ کالونی شفٹ کیا گیا جہاں پر مقامی چودریوں کے دباؤ ڈالنے پر ورثاء نے کاروائی سے انکار کیا تھا،یہ امر قابل ذکر ہے کہ ضلعی انتظامیہ اور متعلقہ ادارے مبینہ طور پر اپنا بھتہ وصول کرکے خاموشی اختیار کئے ہوئے ہیں اور ان کے خلاف کوئی قانونی کاروائی عمل میں نہیں لائی جا رہی،تاہم مزدوروں کی نعشیں ان ک ورثاء کے حوالے کردی گئی ہیں۔
