پنجاب فوڈ اتھارٹی کی کارروائی، سویٹس شاپ اور واٹر پلانٹ بند

لاہور (سٹی رپورٹر) پنجاب فوڈ اتھارٹی کی کارروائی، معروف سویٹس پروڈکشن یونٹ اور واٹر پلانٹ بند کر دیئے گئے، چائنہ سکیم، سبزی منڈی چاہ میراں اور ملحقہ علاقوں میں کریک ڈائون کرکے 10 پوائنٹس کو بھاری جرمانے جرمانے عائد کیے گئے، پانی کا سیمپل فیل ہونے پر کارروائی عمل میں لائی گئی، پانی میں مختلف مضر صحت جراثیم موجود پائے گئے، بیکری یونٹ سے ممنوعہ رنگ، کیمکلز برآمد کرکے تلف کر دیئے گئے، ترجمان فوڈ اتھارٹی کے مطابق سٹوریج اور پروڈکشن ایریا میں ناقص انتظامات، حشرات کی بہتات پائی گئی، ملازمین کے میڈیکل اور ٹریننگ سرٹیفکیٹس عدم موجود پائے گئے، برتن دھونے کے لیے قوانین کے خلاف سرف استعمال کیا جا رہا تھا، گندے فریزر میں سٹور کی گئی اشیاء پر تاریخ تنسیخ موجود نہ تھی، خوراک کا کاروبار مقررہ قوانین کے مطابق ہی کیا جاسکتا ہے، صحت دشمن کاروبار کرنے والوں کے خلاف بلاامتیاز کارروائیاں جاری رہیں۔