آئی ایم ایف وفد کی اوورسیز انویسٹرز چیمبر کے نمائندوں سے ملاقات

کراچی(بزنس رپورٹر)پاکستان اور عالمی مالیاتی فنڈ (آئی ایم ایف) کے درمیان جاری مذاکرات کے دوسرے روز کاروباری آسانیوں، ٹیکس اصلاحات اور دیگر اہم معاشی امور پر بات چیت کی گئی۔ذرائع کے مطابق آئی ایم ایف وفد اوورسیز انویسٹرز چیمبر آف کامرس کے نمائندوں سے ملاقات کی ، جس میں ملک میں کاروباری ماحول، سرمایہ کاری اور کاروباری آسانیوں سے متعلق امور زیر بحث آئے۔ملاقات میں صنعت و کاروبار کیلئے بجلی کی لاگت اور ترسیل سے متعلق معاملات پر بھی تبادلہ خیال کیاگیا۔ذرائع نے کہاکہ آئی ایم ایف وفد کے ساتھ ٹیکس اصلاحات اور ٹیکس دہندگان کو فراہم کی جانے والی سہولیات کے حوالے سے بھی گفتگو کی گئی، جبکہ اوورسیز انویسٹرز چیمبر آف کامرس کے نمائندوں نے پاکستان میں براہ راست غیر ملکی سرمایہ کاری کی صورتحال پر آئی ایم ایف مشن کو بریفنگ بھی دی۔مذاکرات کے دوران آئی ایم ایف مشن نے تکنیکی مذاکرات میں بھی حصہ لیا،جن میں کرنٹ اکاو ¿نٹ خسارے، بنیادی شرح سود اور زرِمبادلہ کی شرح سمیت دیگر اہم معاشی امور کا جائزہ لیا گیا۔ذرائع کے مطابق پاکستان کی جانب سے آئی ایم ایف کو یورو بانڈ کے کامیاب اجرا اور بیرونی ذرائع سے حاصل ہونے والی رقوم کے بارے میں بھی آگاہ کیا گیا۔ مذاکرات میں مہنگائی پر قابو پانے کیلئے مانیٹری پالیسی کے مو ¿ثر استعمال اور معاشی استحکام کیلئے مختلف اقدامات پر بھی تبادلہ خیال کیاگیا۔