پاک فوج کی امدادی ٹیم ریسکیو آپریشن کے بعد ترکیہ سے آج وطن پہنچے گی

انقرہ: (ویب ڈیسک) پاک فوج کی امدادی ٹیم کامیاب ریسکیو آپریشن کے بعد ترکیہ سے آج وطن پہنچے گی۔
استنبول ایئرپورٹ پر ڈپٹی گورنر استنبول اور مختلف سرکاری اہلکاروں نے اُنہیں رخصت کیا، 35 رکنی ٹیم نے 91 مقامات کو سرچ کیا، 39 مقامات پر ریسکیو آپریشن کیا جبکہ 8 افراد کو زندہ بچایا۔
پاک فوج کے دستے نے ملبے سے 138میتیں نکال کر انتظامیہ کے حوالے کیں اور 2 سائٹس خیمہ بستی کے لیے کلیئر کیں۔
پاک فوج کی اربن اور ریسکیو ٹیم کو بین الاقوامی اور ترکیہ کے مقامی چینلز نے بھی پذیرائی دی، ریسکیو ٹیم کا آپریشن مسلسل کئی روز تک جاری رہا، ترکیہ عوام کے دل جیت کر پاک فوج نے وطن عزیز کے نام کو سرخرو کیا۔
واضح رہے کہ پاک فوج کا 35 رکنی دستہ زلزلہ زدگان کی مدد کے لیے سب سے پہلے ترکیہ پہنچا تھا۔