کراچی(پریس ریلیز)پاکستان میں خواتین عملہ پر مشتمل برانچ کھولنے والے پاکستان کے پہلے مائیکرو فنانس بینک FINCAمائیکرو فنانس بینک نے خواتین کو معاشی طور پر با اختیار بنانے اور قائدانہ صلاحیتوں کے فروغ کیلئے وقف سماجی ادارہ CIRCLEوومین کے ساتھ شراکت داری کا اعلان کیا ہے۔اس شراکت داری کا مقصد CIRCLEوومین کے ڈیجیٹل خواندگی پروگرام (DLP) کے تحت ڈیجیٹل خواندگی اور مالی شمولیت کو فروغ دے کر کم آمدنی والے طبقے کی خواتین کو بااختیار بنانا ہے۔
اس شراکت داری کے ذریعہ CIRCLEوومین،FINCAمائیکرو فنانس بینک کی 1,000 خواتین صارفین کو ڈیجیٹل مہارتوں، کاروباری صلاحیتوں، اور مالیاتی خواندگی کی تربیت دے گی۔FINCAمائیکرو فنانس بینک کے ساتھ شراکت داری کے ذریعے ڈیجیٹل خواندگی پروگرام کے 1,000 شرکاء اپنے کاروبار کو وسعت دے سکیں گے اور آسان اور محفوظ مالی لین دین فراہم کرنے والی ڈیجیٹل موبائل ایپلی کیشنFINCA Pay سے فائدہ اٹھا سکیں گے۔ ماسٹر ٹرینرز اور ماہرین کے ذریعے منظور کیا گیاCIRCLEوومین
کا تیار کردہ ڈیجیٹل خواندگی پروگرام نصاب تمام تربیتوں میں استعمال کیا جائے گا۔
FINCAمائیکرو فنانس بینک لمیٹڈ کے سی ای او جہانزیب خان نے اس حوالے سے کہا کہ ”FINCAکا پائیدار ترقی کی شمولیت پر پختہ یقین ہے اور ہم اس کے بنیادی سماجی اثرات کے ساتھ اپنے ڈبل باٹم لائن مشن کیلئے پر عزم ہیں۔ہمارا مقصد ہماری کسٹمر ریسرچ، پراڈکٹ ڈیزائن، اور ڈیلیوری کے دوران صنفی مساوات کے نقطہ نظر کو اپنا کر سرمائے تک خواتین کی رسائی کو بڑھانا ہے۔ہمارا اور CIRCLEوومین کا مشترکہ یقین ہے کہ مالیاتی خدمات خواتین کو بااختیار بنانے کے لیے ایک طاقتور ٹول کے طور پر کام کر سکتی ہیں۔ہماری شراکت پاکستان کے مالیاتی طور پر شامل طبقے میں مزید خواتین کو شامل کرنے پر توجہ مرکوز کرے گی، اور اس طرح ہمارے مشترکہ سماجی مشن کو آگے بڑھایا جاسکے گا۔“
CIRCLEوومین کی بانی صدف عابد نے کہا کہ ”پاکستان کی معیشت میں خواتین کی ڈیجیٹل اور مالی شمولیت اب عیش و آرام کی چیز نہیں رہی، یہ اس وقت کی ضرورت ہے، جب ایک عورت مالی طور پر مضبوط ہوتی ہے، تو وہ اپنے خاندان کی صحت، خوراک اور تعلیم میں دوبارہ سرمایہ کاری کرتی ہے۔ٹیکنالوجی اور ڈیجیٹل مالیاتی پلیٹ فارم کے ساتھ، ہمیں خواتین کے لیے حل لانے اور ایک زیادہ مساوی معاشرہ بنانے کی ضرورت ہے۔“
سماجی طور پر ذمہ دارانہ مالیاتی خدمات فراہم کرنے والے مائیکروفنانس اداروں اور بینکوں کے ایک عالمی نیٹ ورکFINCA امپیکٹ فنانس کے طور پر FINCA مائیکرو فنانس بینک لمیٹڈ کئی دہائیوں سے پاکستان میں خواتین کو بااختیار بنا رہا ہے۔120سے زائد شہروں میں
130 سے زائد برانچوں کے ذریعے ملک گیر موجودگی کے ساتھ، بینک نے 100,000 سے زیادہ خواتین کاروباریوں کو مائیکرو فنانسقرضوں تک سستی رسائی اور کامیاب کاروبار چلانے کے لیے دیگر ضروری وسائل فراہم کیے ہیں۔بینک کی مصنوعات اور آسان بینکنگ خدمات کا مکمل مجموعہ، بشمول مائیکرو، چھوٹے اور درمیانے درجے کے کاروباری اداروں کے لیے خصوصی طور پر ڈیزائن کردہ قرض کی مصنوعات، پاکستان میں خواتین کی زیر قیادت کاروبار کی ترقی میں مزید معاونت کرتی ہے۔
FINCAمائیکرو فنانس بینک اور CIRCLEوومین کے درمیان ڈیجیٹل اور مالیاتی خواندگی کے ذریعہ خواتین کو با اختیار بنانے کیلئے شراکت داری
