عالمی و مقامی سطح پر سونے کی قیمتیں مزید بڑھ گئیں

کراچی:(ویب ڈیسک) عالمی مارکیٹ میں سونے کی قیمتوں میں اضافے کے باعث پاکستان میں بھی سونے کے نرخ بڑھ گئے۔
عالمی مارکیٹ میں فی اونس سونے کی قیمت 10 ڈالر کے اضافے سے 1981 ڈالر کی سطح پر پہنچ گئی جس کے باعث مقامی مارکیٹوں میں بھی فی تولہ سونے کی قیمت میں 700 روپے اور فی دس گرام سونے کی قیمت میں 601 روپے کا اضافہ ہوا ہے۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 2 لاکھ 8 ہزار 700 روپے اور فی دس گرام سونے کی قیمت ایک لاکھ 78 ہزار 927 روپے کی سطح پر پہنچ گئی ہے۔