ایتھوپیئن ایئر لائنز کی پہلی پرواز کی کراچی آمد، وزیراعلیٰ نے استقبال کیا

کراچی : (ویب ڈیسک) ایتھوپیا ایئر لائنز کی کراچی کیلئے پہلی براہ راست پرواز نے آج صبح مقررہ وقت پر جناح انٹرنیشنل ایئرپورٹ پر لینڈ کیا، وزیراعلیٰ سندھ سید مراد علی شاہ نے پرواز کا استقبال کیا۔
افریقا میں ایئر لائنز کے سب سے بڑے نیٹ ورک کی پہلی پرواز میں ایتھوپیا کے تین وزیر مملکت، اعلیٰ افسران اور سفارتکاروں سمیت 110 مسافر سوار تھے ، مراد علی شاہ نے مہمانوں کو اجرک اور سندھی ٹوپیاں پہنائیں۔
اس موقع پر وزیر اعلیٰ سندھ کا کہنا تھا کہ ایتھوپین ایئرلائن کا سلسلہ کراچی سے ایتھوپیا اور ایتھوپیا کو کراچی سے جوڑنے کا وسیلہ ہے۔
مراد علی شاہ نے مزید کہا کہ پروازوں کے شروع ہونے سے سندھ اور ایتھوپیا میں سرمایہ کاری، تجارت اور سیاحت کو فروغ ملے گا۔