سابق چیئرمین پی ٹی آئی عمران خان اور ان کی اہلیہ بشریٰ بی بی کےخلاف غیرشرعی نکاح کیس کی سماعت درخواست گزاروکیل کی استدعاپر پیر 11 دسمبر تک ملتوی کردی گئی۔
درخواست گزاروکیل راجارضوان عباسی کی دائر کردہ درخواست کی سماعت ڈسٹرکٹ اینڈ سیشن کورٹس اسلام آباد کے سینئرسول جج قدرت اللہ نے سماعت کی۔
درخواست گزار نے عدالت سے استدعا کی کہ دستاویزی ثبوت عدالت میں پیش کرنے ہیں، مہلت دی جائے۔
وکیل نے کہا کہ درخواست کے قابل سماعت ہونے پر دلائل بھی دینے ہیں۔ پیرتک کا وقت دے دیں دستاویزات جمع کروا کے اسی روز دلائل بھی دے دیں گے۔
وکیل کی استدعا پر عدالت نے کیس کی سماعت پیر تک ملتوی کردی۔
