بالی ووڈ انڈسٹری کے مقبول جوڑے ایشوریا رائے اور ابھیشیک بچن کے درمیان علیحدگی کی افواہیں ایک بار پھر سراٹھانے لگیں۔
بالی ووڈ لیجنڈ اور ابھیشیک بچن کے والد امیتابھ بچن نے بہو ایشوریا رائے کو سوشل میڈیا اکاؤںٹ انسٹاگرام پر اَن فالو کردیا، جس نے سے صارفین کو کشمکش میں مبتلا کردیا۔
اس جوڑے کے درمیان علیحدگی کی افواہیں ابھیشیک بچن کی ایک تقریب میں تنہا شرکت کرنے کے سبب خاصا وائرل ہوئی تھیں۔ تقریب میں ابھیشیک بچن کے ہاتھ میں شادی کی انگوٹھی کے موجود نہ ہونے نے صارفین کو شک میں مبتلا کردیا۔
گزشتہ چند ہفتوں سے بھارتی سوشل میڈیا پر ایشوریا رائے اور ابھیشیک بچن کے درمیان علیحدگی کی افواہیں گردش کر رہی تھیں۔
لیکن ایشوریا اور ابھیشیک کو شاہ رخ خان کی بیٹی سہانا خان کی پہلی فلم ’دی آرچیز‘ کے پریمیئر پرایک ساتھ دیکھنے نے ان افواہوں کو غلط ثابت کردیا تھا۔
حال ہی میں امیتابھ بچن کی جانب سے انسٹاگرام پر اپنی بہو کو اَن فالو کرنا صارفین کہ نہ بھایا۔
امیتابھ بچن نے کئی لوگوں کو اپنے انسٹا اکاؤنٹ سے اَن فالو کیا ہے، انہوں نے اپنے بیٹے ابھیشیک اور بیٹی شویتا بچن سمیت بھارتی شوبز شخصیات سلمان خان، کترینہ کیف، دیپیکا پڈوکون، عالیہ بھٹ اور ویرات کوہلی کو بھی اَن فالو کیا ہے۔
ابھیشیک بچن اور ایشوریا رائے 2007 میں رشتہ ازدواج میں بندھے تھے، 2011 میں ان کے ہاں بیٹی آرادھیا کی پیدائش ہوئی تھی۔
