اسلام آباد: پاکستان میں تعینات آسٹریلوی ہائی کمشنر نیل ہاک انس نے ڈیرہ اسماعیل خان میں سیکیورٹی فورسز پر ہونے والے حملے اور شہادتوں پر افسوس کا اظہار کیا ہے۔
نیل ہاک انس نے سماجی رابطے کی سائٹ ایکس پر خیبرپختونخوا کے ضلع ڈیرہ اسماعیل خان میں ہونے والے دہشت گردانہ حملے پر افسوس کا اظہار کیا اور متاثرہ خاندانوں کے ساتھ دلی تعزیت کی۔
انہوں نے لکھا کہ ڈی آئی خان میں آج ہونے والے دہشت گردانہ حملے اور سیکورٹی فورسز کے درمیان ہونے والے جانی نقصان پر بہت دکھ ہوا ہے۔ اس مشکل وقت میں ہماری دعائیں اور تمام ہمدردیاں متاثرہ خاندانوں کے ساتھ ہیں۔
آسٹریلوی ہائی کمشنر نے مسلمانوں کے طریقے سے تعزیت کرتے ہوئے دعا انا للہ وانا الیہ راجعون بھی لکھی۔
