دیر بالا: خیبر پختون خوا کے علاقے دیر بالا میں باراتیوں کی بس کھائی میں گرنے سے تین بچوں سمیت پانچ افراد جاں بحق اور 14 زخمی ہوگئے۔
ایکسپریس نیوز کے مطابق واقعہ نہاگ درہ کے علاقہ ماتوڑ میں پیش آیا۔ خدشہ ہے کہ پک اپ تیز رفتاری کے سبب کھائی میں جاکر گری تاہم گاڑی گرنے کی وجہ کا حتمی تعین بعد میں کیا جائے گا۔
واقعے کے بعد مقامی افراد اور امدادی ادارے کے رضاکار پہنچ گئے جنہوں ںے لاشوں اور زخمیوں کو واڑی اسپتال منتقل کیا۔
