اسلام آباد:
وزیراعظم محمد شہباز شریف نے مالی سال 2024-2025ء میں کرنٹ اکاؤنٹ سرپلس 2.1 ارب ڈالرز تک پہنچنے پر اظہار تشکر کیا ہے۔
اپنے بیان میں وزیراعظم شہباز شریف نے کہا ہے کہ کرنٹ اکاؤنٹ سرپلس گزشتہ 22 برس کی بلند ترین سطح پر پہنچنا انتہائی خوش آئند ہے حکومتی اقدامات کی وجہ سے زر مبادلہ کے ذخائر 19 ارب ڈالر روپے سے تجاوز کر گئے ہیں، کرنٹ اکاؤنٹ سرپلس میں استحکام کی بنیادی وجہ ترسیلات زر اور برآمدات میں خاطر خواہ اضافہ ہے۔
وزیراعظم نے کہا کہ دن بہ دن بہتر ہوتے مالیاتی و معاشی اشاریے یہ ظاہر کرتے ہیں کہ ملکی معیشت استحکام کے راستے پر گامزن ہو چکی ہے، حکومت ملک میں کاروبار اور سرمایہ کار دوست ماحول مزید بہتر کرنے کے حوالے سے ترجیحی اقدامات اٹھا رہی ہے حکومت کی معاشی ٹیم کی کاوشیں لائق تحسین ہے۔
