عمان کے قریب تجارتی جہازوں پر میزائل حملے: امریکا کا ایران پر الزام
امریکی حکام نے الزام عائد کیا ہے کہ ایران نے آبنائے ہرمز میں عمان کے قریب گزرنے والے تجارتی جہازوں کو میزائلوں سے نشانہ بنایا۔ امریکی حکام کے مطابق کم از کم دو تجارتی جہازوں پر حملے کیے گئے، جن میں سے ایک جہاز کو نقصان پہنچا اور اس میں آگ لگ گئی۔
رپورٹس کے مطابق عمان کے ساحل کے قریب ایک ٹینکر نامعلوم پروجیکٹائل سے ٹکرانے کے بعد آگ کی لپیٹ میں آگیا۔ برطانوی میری ٹائم حکام نے واقعے کی تصدیق کی، جبکہ امریکی حکام نے اس حملے کا ذمہ دار ایران کو قرار دیا ہے۔
