آسٹریا نے ایران کے محمد اسلامی کو ویانا آنے سے روک دیا

لاہور(مانیٹرنگ ڈیسک)آسٹریا نے ایرانی جوہری توانائی ادارے کے سربراہ محمد اسلامی کو ویانا آنے سے روک دیا۔آسٹریا نے
محمد اسلامی کے حوالے سے یہ اقدام ٹرمپ انتظامیہ کے دباو پر اٹھایا ہے۔
امریکی حکام کے مطابق محمد اسلامی کے لیے اقوام متحدہ پابندیوں سے استثنی کی ایرانی درخواست امریکی حکومت کی براہ راست مداخلت پر مسترد کی گئی۔میڈیا رپورٹ کے مطابق محمد اسلامی کو بین الاقوامی جوہری توانائی ایجنسی کی کانفرنس میں آج خطاب کرنا تھا۔ایرانی میڈیا کے مطابق محمد اسلامی کو دوران پرواز روک کر واپس تہران بھیجا گیا۔