لاہور (کر ائم رپو رٹر)انسپکٹر جنرل پولیس پنجاب عبدالکریم نے گجرات، صدر کھاریاں کی حدود میں نامعلوم ملزمان کی فائرنگ سے 2 افراد کے
جاں بحق ہونے کے معاملے کا نوٹس لیتے ہوئے آر پی او گوجرانوالا سے رپورٹ طلب کر لی ہے۔آئی جی پنجاب نے ڈی پی او گجرات کو فائرنگ میں ملوث ملزمان کی فوری گرفتاری کے احکامات جاری کرتے ہوئے کہا کہ ملزمان کی گرفتاری کے لیے تمام وسائل بروئے کار لائے جائیں۔ ترجمان پنجاب پولیس نے بتایا کہ سینئر پولیس افسران اور فرانزک ٹیموں نے موقع پر پہنچ کر شواہد اکٹھے کر لیے ہیں۔ ڈی پی او گجرات نے کہا کہ ملزمان کی گرفتاری کے لیے ٹیمیں تشکیل دے دی گئی ہیں اور انہیں جلد گرفتار کر لیا جائے گا۔ مقتولین میں شہروز علی اور حسنین شامل ہیں۔
