ریاض میں گلوبل امیج ایوارڈز پاکستانی اہم کاروباری شخصیات سر فہرست

کراچی( بزنس رپورٹر)سعودی عرب کے شہر ریاض میں گلوبل امیج ایوارڈز کی پروقار تقریب کا
انعقاد کیا گیا۔جس میں پاکستان، مصر، ایشیا، سعودی عرب، دبئی، قطر، بحرین، کینیڈا، لندن، امریکا سمیت دنیا کی نمایاں کاروباری شخصیات نے شرکت کی۔اس موقع پر پاکستان سے جمعیت پنجابی سوداگران دہلی کی مینجمنٹ کمیٹی کے ممبر اور امان ٹاور کے چیف ایگزیکٹو عتیق الرحمن اللہ والا کو کمیونٹی کیلئے گراں قدر خدمات سرانجام دینے پر تقریب کے مہمان خصوصی ڈاکٹر احمد بن عبد الکریم ال خلیفہ کی جانب سے گلوبل کمیونٹی سروسز ایوارڈ سے نوازا گیا جو کمیونٹی سروسز کے شعبے میں ان کی خدمات کا عالمی سطح پر اعتراف ہے ۔ اس موقع پر عتیق اللہ والا کا کہنا تھا کہ وہ یہ اعزاز جمعیت پنجابی سوداگران دہلی کے نام کرتے ہیں۔ تقریب کو ای ایم اے انٹرپرائز ایونٹ پلانر کے سی سی او اظہر ضیا کی شرکت نے بھی دوام بخشا اور انھیں بھی گلوبل ایونٹ سروس ایوارڈ سے نوازا گیا۔ اظہر ضیا کا کہنا تھا کہ یہ ایوارڈ ان کیلئے بہت بڑا اعزاز ہے جس سے ایونٹ مینجمنٹ کے شعبے میں پاکستان کا نام بھی مزید روشن ہوا ہے۔ پاکستانی ستاروں کے جھرمٹ میں ایک نام عاطف اقبال کا بھی تھا ایچ آئی جی کیو گروپ اینڈ ویڈا لیبارٹریز کے سی او کی حیثیت سے دنیا بھر میں جانے پہنچانے جاتے ہیں۔