شیخوپورہ(بیورورپورٹ) پاکستان تحریک انصاف(نظریاتی) کے چیئرمین اختر اقبال ڈارنے کہا ہے کہ برطانیہ، فرانس،کینڈا،ڈنمارک سمیت
بارہ ملکوں کا اسرائیلی غیر قانونی بستیوں کی مصنوعات پر پابندی لگا کر اچھا قدم اٹھایا ہے جس کو ہم قدر کی نگاہ سے دیکھتے ہیں اور یہ اقدام ظلم و بربریت کی روک تھام اور انسانیت کے فروغ کے لیے مثبت پیش رفت ہے اب وقت آگیا ہے کہ ناانصافی ظلم اور مسلمانوں کی نسل کشی کے خلاف محض آواز اُٹھانے تک محدود نہ رہا جائے بلکہ تمام مسلم ممالک حکومتی سطح پراسرائیلی مصنوعات پر پابندی لگاتے ہوئے اسرائیل کا مکمل سیاسی، سفارتی،تجارتی بائیکاٹ کریں اور بورڈ آف پیس سے باہر نکل آئیں ان خیالات کااظہارانہوں نے صحافیوں سے گفتگو کے دوران کیا اس موقع پر پارٹی عہدیداران اور کارکنان کی بڑی تعداد موجودتھی اختر اقبال ڈار نے کہا کہ ایسی صورتحال پر امریکی وزیر خارجہ کا کہنا کہ ہم برطانیہ کی پیروی نہیں کرینگے اس بات کا ثبوت ہے کہ بورڈ آف پیس ایک ڈھکوسلہ ہے جسکی جتنی مزمت کی جاے کم ہے۔
