بی ڈی ایس پروگرام کے5سالہ پروگرام کا نفاذ موخر،نوٹیفیکشن جاری

اسلام آباد (آئی این پی) پاکستان میڈیکل اینڈ ڈینٹل کونسل نے بی ڈی ایس کے5 سالہ پروگرام کا
نفاذ موخر کرتے ہوئے سابقہ نوٹیفکیشن واپس لے لیا۔ پی ایم ڈی سی کے نوٹیفکیشن کے مطابق پی ایم ڈی سی نے5 سالہ بی ڈی ایس پروگرام کا نفاذ موخر کر دیا ہے، پی ایم ڈی سی نے8 جولائی کو5 سالہ بی ڈی ایس پروگرام سے متعلق فیصلہ کیا تھا۔ پی ایم ڈی سی نے بی ڈی ایس پروگرام کے تعلیمی ڈھانچے و نصاب کا جامع جائزہ شروع کر دیاہے اور بی ڈی ایس پروگرام کے ہائوس جاب اور انٹرن شپ فریم ورک کا بھی جائزہ لیا جائے گا۔ پی ایم ڈی سی کے مطابق پانچ سالہ بی ڈی ایس پروگرام پر مزید فیصلہ جامع جائزے کے بعد ہوگا، بی ڈی ایس پروگرام نئے فریم ورک کی مزید معلومات جائزہ مکمل ہونے پر دی جائیں گی، پی ایم ڈی سی نے تسلیم شدہ میڈیکل و ڈینٹل جامعات کو مراسلہ ارسال کر دیا ہے۔