ملتان (سٹی رپورٹر) پنجاب بھر میں نجی غیر
قانونی ہاوسنگ سکمیوں کے خلاف کریک ڈاؤن کرنے کے احکامات متعلقہ محکموں کو جاری کردی ہے گئے ہیں لینڈ مافیا کا ریکارڈ تمام ڈویلپمنٹ اتھارٹیز نیفراہم کردیا ہے صوبے بھر میں 5678 غیر قانونی ہاوسنگ سکمیوں کا انکشاف ہوا ہے اس ضمن میں ملتان ڈویلپمنٹ اتھارٹی نے 184 غیر قانونی پرائیویٹ ہاوسنگ سکیموں کا ریکارڈ سیکرٹری ہاوسنگ پنجاب کو جمع کرایا ہے گلبرگ ہاوسنگ سکیم سمیت 84 غیر قانونی ہاوسنگ سکیموں کے مالکان کے خلاف مقدمات درج کرائے گئے ہیں مجموعی طور پر 184 غیر قانونی ہاوسنگ سکیموں کے 13499 کلیم جمع کرائے گئے ہیں گلبرگ ایگزیکٹو ہاوسنگ سکیم کے 12 ارب مالیت کا فراڈ سامنے آیا ہے رائل گریس سٹی سوھنی دھرتی نایاب سٹی گلشن رحمان سمیت 66 پرائیویٹ کالونیوں کو مطلوبہ سہولیات فراہم نہ کیے جانے پر ریکارڈ میں سیل ظاہر کیا گیا ہے اسی طرح ڈیرہ غازی خان میں 57 بہاولپور پور میں 367 فصیل آباد میں 599 لاہور میں 2345 غیرقانونی سکمیوں کا ریکارڈ پیش کیا گیا ہے مجموعی طور پر صوبے بھر میں 5678 غیر قانونی ہاوسنگ سکیموں کے خلاف متعلقہ ڈویلپمنٹ اتھارٹیز کو کارروائی کرنے کا ٹاسک دیا گیا ہے واضح رہے عوامی حلقوں کی جانب غیر قانونی ہاوسنگ سکیموں کے خلاف کارروائی نہ کیے جانے کی شکایات ہیں جس پر نیب کی جانب سے بھی غیر قانونی ہاوسنگ سکیموں کے خلاف تحقیقات کا سلسلہ جاری ہے نیب زرائع کے مطابق صوبے بھر 2 ہزار سے زائد غیر قانونی ہاوسنگ سکیموں کے خلاف تحقیقات جاری ہیں۔
ہائوسنگ سکیمیں
